Tacsaiméadair in Éirinn a fhíorú

Tá Méadreolaíocht Dhlíthiúil de chuid NSAI freagrach as a chinntiú go gcomhlíonann tacsaiméadar in Éirinn na rialacháin agus ní mór na tacsaiméadair a fhíorú i gcónaí.

Déantar fíorú chun cruinneas an tacsaiméadair a chinntiú agus chun muinín a thabhairt do thomhaltóirí go bhfuil na táillí a ghearrtar ar thurais tacsaí i gceart agus cruinn.

Ní mór duit do thacsaiméadair a fhíorú:

• Nuair a cheannaítear é den chéad uair agus nuair a dhéantar é a shuiteáil i bhfeithicil tacsaí cláraithe.
• Aon uair a ríomhchláraítear táillí nua isteach sa tacsaiméadar, nó aon uair a nuashonraítear an ríomhchlár reatha.
• Aon uair a dhéantar aon deisiú, athrú nó coigeartú ar an tacsaiméadar nó ar an bprintéir a éilíonn an séala slándála a bhriseadh nó a bhaint.
• Aon uair a aistrítear do thacsaiméadar chuig d’fheithicil nua.

Nuair a fhaomhann an tÚdarás Náisiúnta Iompair (NTA) táille nua, tá gá le nuashonrú ríomhchláir táillí a dhéanamh ar gach tacsaiméadar agus déanfar é a fhíorú ina dhiaidh sin.

I ndiaidh do do shuiteálaí nuashonrú táillí a chríochnú, tabharfaidh sé/sí Foirm Faisnéise do Thrádálaí Tacsaiméadair (TTI) leictreonach duit trí ríomhphost. Cinntigh le do thoil go bhfuil ríomhphost faighte agat ó do shuiteálaí ina bhfuil an fhoirm TTI roimh dháta do choinne le Méadreolaíocht Dhlíthiúil NSAI, mar ní féidir tús a chur leis an bhfíorú gan chruthúnas ar Fhoirm TTI.

Déanann Méadreolaíocht Dhlíthiúil NSAI iniúchtaí go rialta ar thacsaiméadair chun a chinntiú go bhfuil na rialacháin á gcomhlíonadh go gníomhach san earnáil sin.