Comhairliúchán Poiblí: Dréacht I.S. 465

Sheol an NSAI comhairliúchán poiblí do dhréacht I.S. 465 "Measúnacht, tástáil agus aicmiú ar fhoirgnimh dhamáistithe a bhfuil bloic choincréite ann le hábhair dhochracha iontu."

Tréimhse an chomhairliúcháin phoiblí: Ón 31 Márta go dtí an 9 Bealtaine 2025, an dá lá sin san áireamh.

Soláthraítear i raon feidhme an dréachta:

1. prótacal maidir le measúnú agus cinneadh a dhéanamh maidir le cé acu an bhfuil damáiste déanta d’fhoirgneamh mar thoradh ar mheathlú bloic choincréite arna cruthú ag fachtóirí lena n-áirítear:
   1. gluaiseacht nó teacht isteach taise,
   2. ionsaí inmheánach sulfáite agus/nó
   3. méideanna iomarcacha de mhíoca saor;
2. modh chun raon na faidhbe a shuí;  
3. córas lena gcumasaítear foirgnimh a chatagóiriú bunaithe ar mhéid an damáiste 
4. modhanna tástála agus meastóireachta torthaí; agus   
5. treoir maidir le hoibreacha ceartaitheacha.

Baineann an caighdeán le foirgnimh a thaispeánann damáiste struchtúrtha atá i gcomhréir le bloic choincréite lochtacha ina bhfuil ábhair dhochracha áirithe iontu.

Ní thagann an Caighdeán Éireannach in ionad nó ní athraíonn sé:

1. I.S. EN 771-3 agus a Chaighdéain tástála atá faoi thagairt,
2. S.R. 325,
3. I.S. EN 12620, nó
4. S.R. 16.

Ábhar an dréachta: 

Is é seo an 2ú eagrán den I.S. 465 agus tiocfaidh sé in ionad I.S. 465:2018+A1:2020.

Níl an Caighdeán Éireannach beartaithe chun críocha tíolactha.

Is iad seo na príomhdhifríochtaí idir I.S. 465:2018+A1:2020 agus an doiciméad seo:

• Leasú ar an raon feidhme maidir le hionsaí inmheánach sulfáite a chur san áireamh.
• Faisnéis bhreise ar shuilfídí iarainn, lena n-áirítear pyrrhotite, agus taighde sa Réamhrá.
• Clásal 3 Téarmaí agus sainmhínithe nuashonraithe.
• Clásal 4 nuashonraithe maidir leis an bpróiseas do mheasúnú, sampláil agus tástáil foirgneamh.
• Nithe eile le cur san áireamh mar chuid de Chlásal 5 - Measúnacht ar staid fhoirgnimh.
• Clásal 6 Nuashonraithe - Sampláil.
• Athbhreithniú iomlán ar Chlásal 7 - Tástáil ar shamplaí.
• Athbhreithniú iomlán ar Chlásal 8 - Oibreacha ceartaitheacha.
• Iarscríbhinn C bainte - Treoir maidir le tuilleadh tástála. 
• Iarscríbhinn D bainte - Oibreacha ceartaitheacha.
• Iarscríbhinn F bainte - Nótaí soiléirithe arna n-eisiúint ag an bpainéal Saineolaithe ar bhloic choincréite go dtí An Roinn Tithíochta, Pleanála agus Rialtais Áitiúil an 2ú Nollaig 2019.

Féach ar an dréacht agus cuir do thuairimí in iúl:

Tugtar cuireadh do gach páirtí leasmhar trácht a dhéanamh ar an dréacht I.S. 465 tríd an bhfóram NSAI ‘Do Chaighdeáin, Do Thuairimí’: https://www.nsainep.ie/Home/Details/33540

Cuirfear deireadh leis an gcomhairliúchán poiblí seo an 28ú Bealtaine 2025.

Chun féachaint ar fhíseán maidir le ‘Do Chaighdeáin, Do Thuairimí’ a úsáid, cliceáil anseo le do thoil - https://www.nsai.ie/standards/your-standards-your-say/